ክርስቶስ የመጣው ሊያሳርፈን ነው። እኛ ልንፈጽመው ያልቻልነውን የጽድቅን ሥራ እርሱ ፈጽሞልን በእኛ ላይ የተጻፈውን የዕዳ ጽሕፈት ደምስሶታል። ይህም የዕዳ ጽሕፈት ይቃወመን እና ይከሰን የነበረ ትእዛዝ ሲሆን ክርስቶስ ኢየሱስ በመስቀሉ ስራ ከመንገዳችን ላይ አንስቶታል። ስለዚህም ዳግመኛ በዚህ ትእዛዝ ላንያዝ ዘንድ ነጻ ወጥተናል። ኢየሱስ ክርስቶስ ስለ እኛ ተሰቅሎ፣ ሞቶ፣ ተቀብሮ ደግሞም ከሙታን ተነስቶ ወደ ነጻነታችን አስገብቶናል። እንኳን በክርስቶስ ኢየሱስ ወደዚህ የእረፍት ነጻነት መጡ። ክብር ለስሙ ይሁን።
ወደ ቆላስይስ ሰዎች 2፡14 በእኛ ላይ የነበረውን የሚቃወመንንም በትእዛዛት የተጻፈውን የዕዳ ጽሕፈት ደመሰሰው፤ እርሱንም በመስቀል ጠርቆ ከመንገድ አስወግዶታል፤